Pak ditë më parë, 8 anëtarë të Partisë Socialiste i kanë drejtuar një letër Kongresit, ku i kërkojnë mocion për reformimin e kësaj force politike ndërsa në punimet e sotme është rrëzuar kjo kërkesë duke mos u marrë fare në konsideratë.
Bëhet me dije se kërkesa nuk ishte në përputhje me rregullat dhe për këtë arsye nuk është marrë në konsideratë.
Në Kongresin që sot ka zhvilluar seancën e dytë të punimeve janë bërë disa ndryshime në statutin e partisë. Mes firmëtarëve janë: Arta Dade, Nazmir Bilani, Eva Teqja, Ibrahim Sulaj, Përparim Bodinaku, Maqo Lakrori, Irena Beqiraj, Luan Zhegu etj.
“Funksionet e kryetarit, Sekretarit të Përgjithshëm dhe Sekretarëve të Partisë Socialiste të Shqipërisë janë të papajtueshëm me funksionet e Presidentit të Republikës, kryetarit të Kuvendit, Kryeministrit, ministrit dhe kryetarit të bashkisë. Numri i mandateve partiake të kryetarit, Sekretarit të Përgjithshëm dhe sekretarëve të Partisë Socialiste kufizohet deri në dy”, thekson drafti i firmosur nga disa socialistë.
Në draft më tej kërkohet që të përjashtohen përgjithmonë nga Partia Socialiste, funksionarët apo anëtaret që urdhërojnë blerjen e votave./faxnews.
