Dy shënjestrat e atentatit të Milotit, Klisman Preçi dhe Ylli Brahimi janë qëlluar nga autorët sapo zbritën nga automjeti i tyre i blinduar tip “fuoristradë”. Si pasojë e atentatit mbeti i vdekur 28-vjeçari, Ylli Brahimi ndërsa 46-vjeçari ndodhet në gjendje të rëndë tek Trauma. Viktima dhe i plagosur kanë qenë duke qarkulluar me një automjet në Milot dhe janë qëlluar me armë nga një automjet në lëvizje.
Makina është bërë shoshë nga plumbat siç duket dhe në pamjet e siguruara. I gjithë mjeti me targa maqedonase ka shenja plumbash kudo.
Preçi dhe Brahimi lëviznin me një makinë të blinduar dhe dyshohet se autorët kanë ndjekur çdo hap të tyre pasi i kanë sulmuar sapo kanë zbritur në oborrin e hyrjes së një pallati.
Në vendin e ngjarjes, forca të shumta policie të cilat kanë rrethuar zonën. Ndërsa forca të shumta policie janë vendosur edhe në spitalin e Traumës ku ndodhet i plagosur Ylli Brahimi i cili ka marrë një plagë në kraharor dhe një në këmbë.
I njëjti skenar si në atentatin e Fushë-Krujës ka ndodhur edhe mbrëmjen e sotme ku menjëherë pas sulmit me armë në afërsi të Borizanës, është gjetur një “audi’ i djegur që dyshohet të jetë përdorur nga autorët për të kryer sulmin me armë zjarri.
