Dita kombëtare e Nënë Terezës duket se nuk ka kaluar pa u vënë re edhe nga mjeshtri i gurit, 78 vjeçari Muhedin Makri i cili ka gdhendur portretin i humanistes shqiptare Nënë Terezës.
Mjeshtri Makri prej më shumë se 26 vitesh punon në profesionin e gurëgdhendësit në pazarin karakteristik të qytetit te Gjirokastrës.
“Ngacmimin për këtë punim e kam marrë nga gjithë kontributi i Nënë Terezës”, pohon ai, duke theksuar se edhe turistët e huaj kanë paraqitur kërkesa të vazhdueshme mbi portretin e shenjtores.
Makri: Këtë vit kam gjetur Nënë Terezën me rastin e shenjtërimit të Nënë Terezës, e kam bërë disa herë, por e kam përsëritur dhe do ta përsëris sa herë të më shitet. Është vlerësuar nga të gjithë.Edhe unë si artizan, si patriot, si njeri me gjak dhe shpirt për punën jam i detyruar që të bëjë të gjithë ato figura që unë dëshiroj dhe që më shiten. Nënë Tereza u zgjodh më shumë nga kosovarët, por dhe nga shqiptarët. E përgëzojnë më shumë kosovarët, megjithatë ne jemi një gjak. Dëshiroj që zëri i Shqipërisë të ngrihet lart e më lart. Sivjet ka shitur katër copë. Vazhdoj ta kem gjithmonë në vitrinë.
/ora news/
