Zyrtarët në Australi po lehtësojnë kufizimet e shtrënguara të koronavirusit, kryesisht në shtetin e Victorias pas më shumë se 100 ditësh bllokim. Në një lidhje me Skype nga Asutralia në emisionin “Abc-ja e mëngjesit”, mjekja Miranda Shehu Xhilaga tha se disa masa mbeten në zbatim, ndërsa rastet e të infektuarve janë ulur ndjeshëm.
“Jemi shumë të dëmtuar ekonomikisht. Këtë vit gjatë kësaj situate për fat të keq, ekonomia ka shkuar në recension. Kemi një fond emergjence prej 24 bilion dollarësh dhe duket sikur është e mjaftueshme por nuk është asnjëherë mjaft. Përsa i përket marrjes së 20 mijë dollarëve në vit nuk është diçka që mund ta bënte kushdo sepse ka shumë banorë që nuk kanë shumën e mjaftueshme për ta marrë këtë. Papunësia është rritur 2-3 herë në krahasim me përpara dhe ndihet ndihet jo vetëm rënia ekonomike por gjithashtu dhe dëmtimet që i ka bërë shëndetit mendor.”, tha biologia.
Ndërkaq, biologia e konsideroi vdekjeprurës nëse qeveria në vendin tonë do të merrte vendimin për të shkuar drejt një izolimi të dytë, dhe se nëse do të bëhej duhet të ketë një organizim më të mirë.
“Mendoj se do të ishte vdekjeprurëse për ekonominë, dhe për gjendjen psikologjike të vendit sepse shumë gjëra nuk janë bërë në të të mirën e mundshme. Por kjo ka limitet e veta dhe nuk gjykoj askënd sidomos një qeveri të një vendi të varfër si ne, por mendoj se nëse do të shkonim në një mbyllje tjetër do të duhet një organizim shumë i mirë sesa i pari.“, tha biologia.
/abcnews
