Kirurgia e mirënjohur Lida Shosha ka reaguar shumë ashpër ndaj vendimit të polikëbërësve të shëndetësisë për t’i lënë specializantët e mjeksisë pa paga. Ja çfarë shkruan ajo, në mënyrë shumë të drejtpërdrejtë, por edhe të revoltuar.
“Si mundet t’i heqësh copën e bukës specializantit, i cili do shërbejë dhe punojë nonstop 4 vite rresht.
Mundet dikush të më thojë se si do ushqehet dhe jetojë një mjek specializant që do shërbejë 4 vite plot në një spital universitar, se do punojë që të mësojë, po do u bëjë shërbimet natë e ditë primarëve, e nesër do marrë diplomën e specializimit.
Çfarë shteti është ky i joni, mor aman që buxhetin për të trajnuar mjekët specialistë, e transferon për mirëmbajtje makinash.
Si mundet në vitin 2021, mjekun që ka bërë një qere shkollë, që do ta përdorësh në gjithë strukturën spitalore, do i marrësh 4 vite mund e djersë, ditë e natë, ta trajtosh si barbon?! Si mundet?!
Kur të sëmureni, (ju që bëni këto lloj politikash shëndetësore) shkoni tek mekaniku t’ju kontrollojë motorin e zemrës, frenat e trurit, mbrokullat e kockave, ingranazhet dhe pompat e qarkullimit dhe skapamenton e gazrave… dhe një lavazh të mirë në fund?
Dhe pse ikin mjekët?! Se një grusht ka mbet’…
Nga politikat tuaja diskriminuese, se ç’të bëjnë të shkretët mjekë? A po i lini zgjidhje të punojnë me dinjitet? Turp është pak, mjerim, primitivizëm epik…
Këtyre njerëzve, me një mendësi të këtillë primitive që bëjnë këto lloj politikash absurde, degjeneruese për mjekun dhe investimin e tij kolosal, po u them: një ditë do trokisni në dyert e mjekëve… me njollën e turpit në trupin tuaj”.
