Analisti kosovar, Arban Bislimi, bëhet baba. Djalit i vë emrin e krahinës në Çamëri. Mesazhi interesant në çastet e lumtura
E ka quajtur Suliot, djalin që sapo ka ardhur në jetë. Është analisti kosovar Arban Bislimi, i cili përjetoi këtë 12 shtator çastet më të lumtura, ato të të qënit baba. Ai ka ndarë me miqtë lajmin e gëzuar për ardhjen në jetë të djalit të tij, të cilin e ka quajtur Suliot dhe ka shpjeguar pse.
“Të dashur miq!
Para pak çastesh erdhi në jetë fëmiu ynë i parë.
Duke iu referuar historisë së Kombit vendosëm ta pagëzojmë me emrin e një krahine të Çamërisë që i dha shumë trima vendit. Djali u pagëzua me emrin Suliot në nderim dhe përkujtim të trimave të Sulit (Sul në gjuhën shqipe ka kuptim “Majë e rreptë”).
Suliotët qenë viktima të luftrave për pushtet politik të kohës dhe u martirizuan nga Ali Pasha i Janinës. Ata, megjithatë kur Aliu u mundua të bëjë Shtetin e Pavarur Shqiptar rrokën armët krah Aliut për të luftuar hordhitë e Sulltanit.
Mire se erdhe në jetë Sulioti ynë i dashur; uroj të trashëgofsh nga Etërit urtësinë, trimërinë dhe bujarinë. Ne të vumë një emër, urojmë që ta bësh këtë emër të krenohemi me ty ne si prind, familjarët, farefisi dhe vendi.”
27.al i uron jetë të gjatë e të lumtur Suliotit.
