Komisioni i Ekonomisë ka miratuar aktin normativ për faljen e gjobave të vendosura gjatë pandemisë së koronavirusit. Ishin 7200 gjoba të vendosura që prej muajit Mars deri në Tetor.
Gjatë kësaj periudhe, janë vendosur gjoba për shkelje të rregullave të karantinës, për shkeljen e orarit të lëvizjes, për organizim të dasmave e festave si dhe për shërbime të ndryshme të kryera në kundërshtim me ligjin.
Ndërsa së fundmi, qeveria ka njoftuar për masat e reja ndëshkuese për të gjithë personat që shfaqen pa maskë në ambiente të brendshme dhe të jashtme. Çdo qytetar që lëviz pa maskë, do të marrë masë ndëshkimore 3000 lekë të reja, e cila do të zbatohet në faturën e energjisë elektrike.
