Ministria e Enegjisë dhe Industrisë ka reaguar për protestën e banorëve të Zharrzës. Sipas saj kjo grevë nuk ka arsye të vazhdojë pas marrëveshjes së arritur.
“Bashkëlidhur gjeni minutat e takimit të djeshëm të zhvilluar mes zëvendëskryeministrit zotit Niko Peleshi dhe përfaqesisë së grevistëve te Zharrëzës. Këto minuta takimi të zbardhura dhe marrëveshja e arritur mbi to u firmosën nga zëvendësministri Ilir Bejtja në cilësinë e nënkryetarit të grupit ndërministror të punës.
Brenda javës së ardhshme do të përmbyllet procesi i modaliteteve për adresimin e çështjeve të trajtuara, ndërsa puna në terren vazhdon përmes organeve të pushtetit lokal. Qeveria mbetet e angazhuar për t’i shkuar deri në fund zgjidhjes përfundimtare të problemeve të trajtuara.
Në vlerësimin tonë, arsyet e qëndrimit të grevistëve në ambientet e jashtme të Ministrisë së Energjisë nuk ekzistojnë më për aq kohë sa problematikat e ngritura prej tyre janë futur tashmë në rrugën e zgjidhjes”, thuhet në deklaratën e Ministrisë së Energjitikës.
