Ministria e Bujqësisë ka bllokuar dhjetëra bagëti pas kontrrollit në tregun e gjësë së gjallë në Tapizë. Gjatë kontrollit inpektorët konstatuan mungesë dokumentacioni sigurie nga veterinerët e zonës tek gjedhi që do tregtohej.
Bagëtitë e sekuestruara nuk ishin të kontrolluar nga veterinerët e zonave, ose kishin matrikuj false.
Edi Ferro: “Në njërin krah kërkon shërbime veterinare shtetërore siç janë vaksinime të ndryshme dhe dëmshpërblime në rastet kur kafshët dalin pozitive përkundrejt sëmundjeve zonotike siç është bruceloza, antraksi etj. Në krahun tjetër kemi një mosnjohje, dhe nuk teproj të them që është një mospërgjegjësi e një pjese të caktuar fermerësh të cilët duhet të njoftojnë shërbimin veterinar rajonal në kohën kur një kafshë lind apo kur një kafshe i ka rënë matriku nga veshi që janë raste shumë të pakta”.
