Ministri i Brendshëm i Turqisë sapo deklaroi se grushti i shtetit dështoi, ndërkohë që janë dhënë pamjet e para të policisë që ka arrestuar ushtarë, pjestarë të grushtit të shtetit.
Kolegët turqë raportojnë me vështirësi, sepse janë mbyllur të gjitha kanalet e komunikimit, si rrjetet sociale dhe së fundmi youtube, megjithatë mësohet se ushtarët kanë qëlluar në ajër duke mos lejuar njerëzit të kalojnë Urën e Bosforit në Stamboll. Sipas CNN turk disa persona kanë mbetur të lënduar. Ky është televizioni turk që mund t’i referohesh, sepse puçistët kanë pushtuar dhe fikur televizionin shtetëror, TRT.
https://www.youtube.com/watch?v=y60wDzZt8yg
Në përplasje me ushtrinë raportohen 17 policë të vdekur, por këto lajme nuk janë konfirmuar.
Zëvendëskryeministri, Numan Kurtulmus ndërhyri drejtpërdrejtë në një transmetim televiziv se qeveria është ende në krye të vendit.
Lajmi tronditës është se ka përplasje mes ushtrisë dhe policisë turke, sepse qytetarë të shumtë dolën në rrugë në kundërshtim me grushtin e shtetit që ka nisur ushtria.
Kryeministri turk u ka bërë thirrje për përgjigje me të njëjtën monedhë nga ana e forcave të sigurisë.
Nga ana e tij Presidenti turk Erdogan i bëri thirrje qytetarëve të dilnin në rrugë dhe të mbronin demokracinë.
