Ministri i ri gjerman i Bujqësisë, Cem Özdemir synon të vendosë rregulla më të rrepta për industrinë ushqimore dhe të rrisë çmimet e produkteve të gatshme pasi që ato përmbajnë shumë sheqer, yndyrë dhe kripë.
Sipas tij, gjermanët konsumojnë shumë në mënyrë jo të shëndetshme, kësisoj ai planifikon të vendosë rregulla më të rrepta kur bëhet fjalë për produktet e gatshme për t’i ushqyer njerëzit më të shëndetshëm.
“Dieta gjermane në përgjithësi është shumë e pashëndetshme”, u ankua politikani i Të Gjelbërve në një intervistë për Bild am Sonntag, duke shpjeguar se arsyeja e nismës së tij ishte fakti se më shumë se 50 për qind e të rriturve gjermanë janë mbipeshë.
Ministri gjerman paralajmëron ngritjen e çmimeve të produkteve ushqimore të pashëndetshme
Ministri i ri gjerman i Bujqësisë, Cem Özdemir synon të vendosë rregulla më të rrepta për industrinë ushqimore dhe të rrisë çmimet e produkteve të gatshme ushqimore pasi që ato përmbajnë shumë sheqer, yndyrë dhe kripë.
“Dieta gjermane në përgjithësi është shumë e pashëndetshme”, u ankua politikani i Të Gjelbërve në një intervistë për Bild am Sonntag, duke shpjeguar se arsyeja e nismës së tij ishte fakti se më shumë se 50 për qind e të rriturve gjermanë janë mbipeshë.
“Arsyeja për këtë situatë është shumë sheqer, yndyrë dhe kripë, veçanërisht në produktet e gatshme. Politikanët janë përpjekur për një kohë të gjatë të motivojnë industrinë ushqimore për të zvogëluar praninë e këtyre përbërësve në ushqim përmes angazhimeve vullnetare. Kjo është ajo tani. Qëllimi im është të vendos objektiva të detyrueshme reduktimi. Çmimi duhet të theksojë më fort të vërtetën ekologjike”, nënvizoi ai.
Nga këndvështrimi i Ozdemirit, duhet të rriten edhe çmimet e produkteve ushqimore dhe bujqësore.
Ai dëshiron t’i bëjë njerëzit në Gjermani të vlerësojnë ushqimin e tyre po aq sa makinat e tyre.
“Ndonjëherë kam një ndjenjë se vaji i mirë motorik është më i rëndësishëm për ne sesa vaji i mirë i sallatës,” kritikon Özdemir.
Synimi i Ministrit të Bujqësisë është rritja e sipërfaqeve bujqësore të kultivuara organikisht nga 10 në 30 për qind deri në vitin 2030. Ai dëshiron të “përdor fuqinë blerëse të shtetit”.
Ndërkohë, ministrja Federale e Mjedisit, Steffi Lemke bëri thirrje gjithashtu për një reduktim drastik të përdorimit të pesticideve në bujqësi.
Ajo është e bindur se edhe shumica e fermerëve duan të përdorin më pak pesticide. Megjithatë, fermerët i kanë përdorur ato për dekada, tha ajo, pas një politike bujqësore evropiane që kërkonte rritje të fermave dhe rritje të rendimenteve ose blerjen e atyre produkteve.
Lemke kritikoi gjithashtu faktin se qeveria e mëparshme gjermane vendosi që një politikë e tillë bujqësore evropiane të vazhdojë edhe në shtatë vitet e ardhshme.
