Në lidhje me projektin e rrugës Milot-Balldren, që PD-ja e ka denoncuar si një aferë korruptive të ngjashëm me projektin e Unazës së Re, ka reaguar edhe ish-kryeministri Sali Berisha.
Përmes një postimi në Facebook, Berisha përmend tre emra, të cilët sipas tij vjedhin 250 mln euro nga ky projekt.
Statusi i Berishës
Zgjerimi i rrugës prej 17 km Milot – Balldren nga dy në katër korsi me PPP do kushtojë 17 milion euro km. Ndërkohë që 27 km në Bajpasin e Fierit ndërtohen nga Bankat Europiane me 2,2 milion euro.
Këta horra të pafytyrë dhe shperfytyruar kanë firmosur zgjerimin nga 2 në katër korsi te 17 km të rrugës fushore Milot -Balldren me PPP tu kushtojë takspaguesve shqiptare 290 milionë Euro apo 17 milionë euro për km apo 17 milion euro shtimi i dy korsive për km.
Për të kuptuar përmasat e kësaj vjedhje monstruoze po ju rikujtoj lexuesve se Bajpasi i Fierit, vepër e financuar nga bankat europiane BEI dhe BERZH po ndërtohet me 2,2 milion për km dhe para këtyre, po me financimin e këtyre bankave u ndërtua autostrada Levan – Vlorë me ura të gjata mbi Vjosë dhe vepra të tjera arti.
Po kështu, tuneli prej 5,3 km të dy anët së bashku është ndërtuar me 14 milionë euro km. Sipas të gjitha krahasimeve me çmimet e veprave të ngjashme por edhe ato ndërkombëtare të ndërtimit të autostradave në tërën fushor ky zgjerim nuk mund të kushtonte kurrë më shumë se 40 milione euro, çka do të thotë se kryehajduti me hajnat dhe horrat e tij vjedhin të paktën 250 milion euro.
