Milan dhe Dortmund përballen mes tyre në një ndeshje vendimtare për Grupin F, ku gjermanët kryesojnë me 7 pikë, dy më shumë se italianët që renditen të 3-ët.
Dortmundi është i kënaqur edhe me një barazim në transfertën që do të luhet në orën 21:00 në San Siro.
Kjo është përballja e 6 në Champions League, ndërsa bilanci është i favorshëm për kuqezinjtë që kanë fituar në 3 raste, 2 suksese për gjermanët dhe 2 barazime.
Kuqezinjtë kanë shënuar 9 gola në total, një më shumë se verdhezinjtë.
Kuqezinjtë kanë humbur vetëm dy nga 14 ndeshjet e Champions-it kundër ekipeve gjermane (7 fitore, 5 barazime). Dy disfatat e vetme erdhën kundër Hertës së Berlinit në tetor 1999 (1-0) dhe në “San Siro” pikërisht kundër Dortmundit në mars 2003 (0-1).
Ekipi i Piolit ka numrin më të madh të golave të pritur në mesin e të gjitha skuadrave të këtij Champions-i (1.99). Vetëm Siti (37) dhe Real Madridi (32) kishin më shumë goditje se kuqezinjtë në pjesët e para të fazës së grupeve.
Nëse zbret sot në fushë, Kristian Pulisiç – ish-lojtar i Borusias – do të luajë ndeshjen e tij të 53-të në Champions, më shumë se dyfishi i çdo lojtari tjetër amerikan. Ueston Mekeni është futbollisti i dytë amerikan me më shumë paraqitje në Champions dhe ndodhet në kuotën e 24 prezencave.
Herën e fundit që Milani shijoi fazën me eliminim direkt ishte vitin e kaluar kundër Totenhemi.
Më parë është e nevojshme të ktheheni në periudhën katërvjeçare 2009- 2013. Në këto katër edicione, kuqezinjtë arritën në çerekfinale vetëm një herë: në vitin 2012, duke u eliminuar nga Barcelona.
The post Milan-Dortmund, ç’thonë statistikat appeared first on 27.
