Gjatë këtyre ditëve, kreu i Partisë Demokratike Lulzim Basha i ka dhënë karta anëtarësie të rinjve të Farkës, Petrelës, Bërzhitës dhe Krrabës.
Ndërsa sot ish-deputetja e PD-së Albana Vokshi së bashku me Përgjithshëm i PD, Gazmend Bardhi po zhvillojnë një takim me të rinjtë e njësisë nr.7 në Tiranë.
Gjatë fjalës së saj, Vokshi u shpreh se, PD po rritet dita-ditës.
“ Kjo sallë nuk po na nxe më. Po rritemi e po shtohemi çdo ditë. Sot kemi mes nesh dhjetëra të rinj, djem dhe vajza të cilët anëtarësohen në PD. Dhjetëra janë këtu dhe me qindra kërkesa të tjera që po verifikohen dhe po kalojnë procesin deri në anëtarësim. Që do të thotë se janë me mijëra kërkesa. PD po rritet çdo ditë. Pse po rritet? Sepse rritet besimi në PD, në alternativën dhe lidershipin e PD, Lulzim Basha. Një gjë është e sigurtë se, të gjithë shqiptarët e njohin se kush është kryeministri Edi Rama. Ka damkën e kryemashtruesit, kryegënjeshtarit, ose siç e quan Elez Biberaj, më autoritar, më të korruptuar, më arrogant dhe më pak transparent. Vetëm PD është forca që ka bërë hapa konkret”.- tha Vokshi.
