Në Ditën Botërore të Kancerit, Ana Tafili në një lidhje me “Abc-ja e mëngjesit” tregoi historinë e e luftës së saj të pamundur me kancerin. Ajo shfrytëzoi këtë bisedë për të përcjellë një mesazh të rëndësishëm për gratë dhe vajzat. Ana tregoi se po lufton prej 4 vjetësh me kancerin e vezoreve. Megjithëse sëmundja i ka prekur edhe organet e tjera, ajo nuk heq dorë kurrsesi nga jeta.
Ana kërkon që burrat, djemtë, të dashurit mos të bëjnë dhurata për vajzat, nënat, motrat, por t’i çojnë ato tek mjekët të bëjnë testet, në mënyrë që edhe po të kenë diçka të keqe ta kapin në kohë.
Mesazhi dhe historia janë me të vërtetë prekës, por mbi të gjitha një motiv për ta dashur jetën në çdo dekikë të saj.
