Presidenti i vendit Ilir Meta ka dhënë një deklaratë të shkurtër për mediat pas vizitës në selinë e Komunitetit Mysliman të Shqipërisë, ku dha dhe urimet e tij për të gjithë besimtarët, në fund të muajit të Ramazanit.
“Ishte kënaqësi që të vizitoja sot kreun e Komunitetit Mysliman të vendit tonë, dhe ti uroja jo vetëm atij, por të gjithë besimtarëve, që ti pranohen të gjitha sakrificat që kanë bërë gjatë kësaj periudhe. Paqe, mbarësi, për familjet e tyre dhe për të gjithë shoqërinë. Të jemi pranë familjeve që janë në kushte më të vështira”, tha Meta.
Pas 30-ditësh agjërimi besimtarët myslimanë festojnë sot Fiter Bajramin, festën që mbyll Muajin e Shenjtë të Ramazanit. Në këtë ditë të rëndësishme për ta, nuk kanë munguar as urimet e politikanëve tanë.
