Ditën e sotme Kuvendi ka hedhur poshtë dekretin e Presidentit Meta për ligjin “Për të huajt”.
Një muaj më parë Presidenti nuk e dekretoi ligjin “Për të huajt” duke ja kthyer Kuvendit të Shqipërisë në mënyrq që ta analizonte sërish pasi do të kishte pasoja një politikë e tillë shtetërore.
Ky ligj parashikon lehtësimin e procedurave për ardhjen dhe punësimin e shtetasve të huaj në Shqipëri, i cili nëse miratohet sipas kreut të shtetit do të sjellë pasoja katastrofale në shpopullimin e vendit tonë.
Meta nuk e dekretoi këtë ligj me arsyetimin se do të ketë largim masiv të shqiptarëve dhe ata do të zëvendësohen më pas me të huajt.
Arsyetimi i Metës:
Nëse Shqipëria nuk po ofron mundësi punësimi, mirëqënie, stabilitet, siguri dhe garanci për shtetasit e saj, si do të mundet të ofrojë mundësi për të huajt në një masë të gjerë? Qeveria po përmbush vetëm një qëllim parësor dhe afatshkurtër, plotësimin e boshllëqeve që po krijon largimi masiv i shtetasve shqiptarë me shtetas të huaj, duke u fokusuar më shumë tek fuqia punëtore. Adresimi i menjëhershëm i këtij fenomeni është emergjencë dhe çdo neglizhencë e mëtejshme do të kishte pasoja katastrofike.
Ndërkohë që Shqipëria gjendet përballë këtij fenomeni të shpopullimit me këto përmasa, nga ana tjetër duket qartë se shumica qeverisëse nuk ka një strategji shtetërore se si do të duhet t`i përgjigjet me masa konkrete, afatshkurtra, afatmesme dhe afatgjata këtij fenomeni të rrezikshëm.
Jo vetëm kaq, por vet Kryeministri në daljet e tij publike ka evidentuar qartë se nuk ka asnjë plan për të frenuar shpopullimin e vendit, por përmes deklaratave të tij ka evidentuar se trendi i ikjeve të shqiptarëve nga vendi i tyre do të vazhdojë të jetë i lartë edhe për një dekadë, duke konfirmuar se qeveria shqiptare nuk është e shqetësuar lidhur me këtë gjendje.
Nga shqyrtimi i dispozitave të ligjit nr. 79/2021, duket sikur qeveria shqiptare, nën ombrellën deklarative se përmes këtij ligji nuk po bën asgjë tjetër përveçse po traspozon direktivat e Bashkimit Evropian, në realitet po përmbush vetëm njëqëllim parësor dhe afat shkurtër,atë tëplotësimi të atyre boshllëqeve që po krijon largimi masiv i shtetasve shqiptarë me shtetas të huaj, duke u fokusuar më shumë tek fuqia punëtore që mund të ofrojnështetasite vendeve të treta.
Nëse ky është qëllimi real i qeverisë Shiptare, ky qëllim duhet shprehur hapur dhe kjo çështje kërkon diskutim të gjerë dhe gjithëpërfshirës, pasi nëse një masë e tillë ligjore nuk mendohet mirë, atëherë mund të krijohen pasoja shumë të rënda, riparimi i të cilave kapërcen disa fish mandatin e një Kuvendi apo një shumice qeverisëse.“, thuhet në arsyetimin e Presidentit të vendit Ilir Meta.
