Presidenti Ilir Meta priti sot në një takim në Presidencë, ministrin e Punëve të Jashtme të Polonisë, Jacek Czaputowicz.
Meta shprehu mirënjohjen për mbështetjen e vazhdueshme që Polonia i ka dhënë Shqipërisë për anëtarësimin në NATO dhe integrimin në BE.
Duke iu referuar potencialeve të bashkëpunimit ekonomik, Presidenti Meta vlerësoi tendencën në rritje të shkëmbimeve tregtare midis dy vendeve.
“Rritja e numrit të turistëve polakë që vizitojnë Shqipërinë na bën optimist për të ardhmen e bashkëpunimit në këtë sektor, dhe për këtë duhet të shihen mundësitë për vendosjen e linjave ajrore direkte midis dy vendeve”, u shpreh Presidenti Meta.
