Në apelin drejtuar forcave politike për të bërë pjesë të listave zgjedhore sa më shumë akademikë dhe pedagogë, kryetari i LSI-së Ilir Meta e ka përforcuar kërkesën për lista të hapura, pavarësisht faktit që socialistët dhe demokratët dolën kundër.
Meta: “Do dëshiroja që të gjitha forcat politike në zgjedhjet e vitit 2017 të gjejnë forcën dhe mundësinë për t’u përfaqësuar me sa më shumë intelektualë e pedagogë. Pra, që fuqia e mendimit të tyre të mos vijë thjesht përmes ekpsertizës, përmes këshillave, apo edhe përmes këtij bashkëpunimi që ne po firmosim sot e që do të mbetet për një kohë të gjatë, por të vijë edhe përmes një pjesëmarrjeje më aktive në vendimmarrje pasi vendi, Kuvendi ka nevojë për këtë gjë. Vendi ka nevojë për përfaqësim më cilësor në të gjithë politikëbërjen dhe në të gjithë forcat politike pa asnjë përjashtim”
