Kryetari i Kuvendit, Ilir Meta i ka kërkuar partive politike të sjellin emrat e propozuar prej tyre për anëtarë të komisioneve të vetting-ut. Përmes një letre drejtuar krerëve të grupeve parlamentare, Meta kërkon të dorëzohen propozimet brenda orë 16:00 të ditës së sotme, dy orë para nisjes së seancës së jashtëzakonshme parlamentare.
Parlamenti mblidhet në orën 18:00 për të votuar dy projektvendime.
1. Projektvendim “Për procedurat parlamentare për funksionimin e komisioneve ad hoc dhe realizimin e procesit të votimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” (neni 55, Rregullore, votim me shumicë të thjeshtë).
2. Projektvendim “Për krijimin dhe përbërjen e komisionit ad hoc për verifikimin e kandidatëve për institucionet e rivlerësimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” (neni 55, Rregullore, votim me shumicë të thjeshtë).
