“Dua t’i them kësaj zonjës, mjaft më filmove me atë kamera sepse unë jam këtu në jetën reale. Mund ta shijosh live dhe jo nëpërmjet kamerës. Mund ta ulësh atë dreq kamera poshtë sepse ka shumë njerëz aty jashtë që nuk mundën të vinin”. Këto janë fjalët që Adele e revoltuar i drejtoi një fanseje.
Gjatë koncerit të mbajtur në Verona, mbrëmjen e djeshme, Adele ka ndërprerë muzikën dhe i ka thënë këto fjalë fanses mjaf e shqetësuar. Mesa duket këngëtarja është ndjerë në siklet nga fansja që po e filmonte vazhdimisht dhe ka reaguar në këtë mënyrë.
Përmjet këtij “shpërthimi” Adele ka përcjellë edhe një mesazh tepër të rëndësishëm. Gjërat duhen shijuar në momentin që përjetohen, realiteti duhet prekur dhe jo shijuar nga ekrani i një telefoni.
