Teksa e gjithë bota i ka sytë nga qielli për të parë se ku do të bjerë raketa kineze “Mars Long Long 5B”, mësohet që ajo ka hyrë në atmosferën mbi Oqeanin Indian, në një zonë afër ishujve të Maldiveve.
Ky fakt u bë i ditur nga zyra e fluturimeve njerëzore të agjencisë hapësinore kineze CNSA. Ndaj, përjashtohet rënia e një ose më shumë fragmenteve të mjeteve të raketës në territorin shqiptar apo atë italian.
Pozicionimi i raketës u konfirmua edhe nga të dhënat e Komandës së Mbrojtjes Hapësinore e Amerikës së Veriut (Norad). Krahasuar me vlerësimet fillestare, ata treguan Atlantikun e Veriut si një pikë të mundshme të rihyrjes.
Sipas ekspertëve, raketa me peshë 21 ton mund të digjet në atmosferë, por nuk përjashtohet fakti që pjesë të saj të bien në tokë.
