Grupi i lojtarëve të Romës ka mbërritur në stadiumin “Air Albania”. Ekipi italian është shoqëruar brenda ambienteve të stadiumit me makina të blindura. Skuadra finaliste është futur brenda ambienteve të stadiumit në një atmosferë të zjarrtë nga tifozeria.
Pavarësisht se na ndajnë dy orë nga fillimi i ndeshjes së madhe të Conference League, tifozeria e skuadrave finaliste ka ndezur Tiranën me flakadanë dhe me euforinë që i karakterizon.
Ndërkaq, policia për të mbajtur nën kontroll situatën ka nisur futjen e tifozëve brenda në stadium.
Prej dy ditësh Tirana është shndërruar në kryeqytetin e futbollit, për shkak të finales së Conference League që do të luhet në “Air Albania Stadium” ku do të ndeshen Roma dhe Feyenoord mbrëmjen e sotme në orën 21:00.
