Ndërsa policia amerikane po vazhdon hetimet, dëshmi të reja janë bërë publike për ngjarjen e rëndë në New York, ku një çift shqiptar humbi jetën, pasi burri shty gruan dhe më pas u vetëflijua. Dëshmitë flasin për një gjendje të rënduar të 35-vjeçarit shqiptar Florind Belliu me profesion aktor. Një nga dëshmitarët është punëtori i ndërtesës Harold Johnson, i cili tha për New York Post se ai u takua me çiftin rreth orës 22:30 të premten dhe pyeti nëse gjithçka ishte në rregull.
“Unë pashë që sytë e tij ishin me të vërtetë të zmadhuar, sikur ishte i zemëruar, dhe ai nuk m’u përgjigj, ai vetëm tërhoqi gruan e tij dhe vazhdoi. Dhe kështu ishte”, tha Johnson, përpara se të shtonte se përpara se çifti të transferohej në pallat, burri donte që ai të priste hekurat e dritareve të apartamentit.
“Unë i thashë atij: “Ti ke fëmijë, unë nuk mund ta bëj këtë.” Dhe ai u zemërua, ai tha “OK”.
Edhe dëshmitarët e tjerë shprehen se në javët e fundit Florindi ishte në gjendje të rënduar psikologjikë dhe kishte shumë debate me të shoqen, por nuk dihen arsyet pse.
