Babë e bir janë arrestuar nga policia pasi kanë tentuar të kalojnë kufirinm duke paraqitur formular vaksinimi të falsifikuar.
Policia bën me dije se E. N., 47 vjeç; E. N., 24 vjeç, banues në Peshkopi, janë arrestuar gjatë udhëtimit në pikën e kalimit të kufirit në Bllatë.
Njoftimi i plotë i Policisë:
Paraqitën formularë vaksinimi me të dhëna të falsifikuara, me qëllim kalimin e kufirit, arrestohen nga Policia 2 shtetas (babë e bir).
Nga Specialistët e Seksionit për Hetimin e Krimit Ekonomik e Financiar në DVP Dibër në bashkëpunim me shërbimet e Policisë të Pikës së Kalimit Kufitarë Bllatë, arrestuan në flagrancë shtetasit:
E. N., 47 vjeç; E. N., 24 vjeç, (babë e bir), banues në Peshkopi.
Arrestimi i tyre u bë pasi, gjatë verifikimit të dokumentave në lidhje me masat anti-covid, dhe kufizimet që zbatohen gjatë udhëtimit për kalimin e kufirit, shtetasit e lartëpërmendur iu kanë paraqitur shërbimeve të Policisë në PKK Bllatë, formularë vaksinimi me të dhëna të rreme e të falsifikuara, me qëllim kalimin e kufirit.
Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.
