Tre nga katër të dyshuarit për rrëmbimin dhe vrasjen e Vanja Gorçevskës, të cilët ndodhen në burgun e Shutkës, e kanë pranuar fajin dhe rolin e tyre në këtë krim të tmerrshëm. Ata janë përballur në burg me të burgosurit e tjerë, të cilët iu kanë bërtitur, për faktin sesi mund të vrasësh një fëmijë. “Si mund të vrasësh një fëmijë”, “Pse?”, “Pse vrave një fëmijë?”, kanë qenë disa nga pyetjet që iu kanë bërë të dyshuarve, të burgosurit në Shutkë.
Velibor Manev, me origjinë nga Velesi, është përgjigjur në një mënyrë të çuditshme. “Më duheshin para për dasmën”, ka thënë Manev. Dhe kjo përgjigje i revoltoi edhe më shumë të gjithë – si të paraburgosurit, të burgosurit dhe punonjësit. Manev, pasi u zbulua se ishte një nga fajtorët për vdekjen e Vanjës, tha se ai është baba i dy vajzave. Njëra është e martuar dhe madje ai ka një nip, ndërsa vajza tjetër ishte beqare.
Velibor Manev dhe i dyshuari kryesor Ljupço Palevski Palço kanë qenë miq të ngushtë dhe kanë shpërndarë foto të përbashkëta në rrjetet sociale. Burime të mediave të vendit fqinj thonë gjithashtu se pyetje të ngjashme i janë drejtuar edhe babait të Vanjës, Aleksandar Gorçevskit. ‘Si munde t’ja bësh këtë tmerr fëmijës tënd?!”, e kanë pyetur Aleksandrin, por mësohet se ai në Shutkë vetëm ka heshtur.
Mirëpo, para disa ditësh, babai i Vanja Gorçevskës, Aleksandar dhe tre të dyshuarit u sollën para gjykatësit nën masa të rrepta të sigurisë. Më vonë është arrestuar edhe shoferi, i cili ka transportuar Ljupča Palevskin Palča, i cili besohet se ka vrarë Vanja Gorçevskën.
A ka vrarë Palco më parë dhe dritë-hijet për rastin ‘Monstra’
Në mediume ka edhe teori se Palço, i cili dyshohet se ka vrarë Pançe Zhezovskin, një pensionist në makinën e të cilit rrëmbyesit e kanë marrë forcërisht vajzën e mitur, mund të ketë vrarë dhe më parë. Përkatësisht, janë përmendur pesë vrasje në vitin 2012, për të cilat janë dënuar shqiptarë etnikë. Për këtë ngjarje të rëndë, për ‘Blic’ ka folur gazetari Bojan Stojkovski.
“Ka pasur disa spekulime për këtë çështje dhe shumica e tyre kanë ardhur nga disa parti më të vogla politike, nga blloku politik shqiptar. Ata i kërkuan ministrit të Punëve të Brendshme, Oliver Spasovski që të merret me pretendime të tilla, por nuk kishte asgjë thelbësore për të mbështetur këto pretendime për të rihapur rastin e quajtur “Monstra”, i cili gjithashtu pati shumë polemika”, tha Stojkovski.
Sipas një mediaje vendase, Palevski dhe kompania e tij ndërtimore UNA ENTERPRISE po ndërtonin ndërtesën ku banonte Vanja. Sipas hulumtimit të TV21, Palevski ka pasur edhe një hapësirë prej 20 metrash katrorë të tijin, në të njëjtin pallat, ku jetonte edhe Vanja. Shqiptarët shpesh kanë thënë se rasti “Monstra” është i dyshimtë dhe se për të mund të jenë dënuar shqiptarët gabimisht. Për këtë çështje, pritet nga MPB të rihapen hetime, që ndoshta mund të çonin në zbardhje të një ngjarje të rëndë, që tronditi Shkupin disa vite më parë.
Tre nga katër të dyshuarit për rrëmbimin dhe vrasjen e Vanja Gorçevskës, të cilët ndodhen në burgun e Shutkës, e kanë pranuar fajin dhe rolin e tyre në këtë krim të tmerrshëm. Ata janë përballur në burg me të burgosurit e tjerë, të cilët iu kanë bërtitur, për faktin sesi mund të vrasësh një fëmijë. “Si mund të vrasësh një fëmijë”, “Pse?”, “Pse vrave një fëmijë?”, kanë qenë disa nga pyetjet që iu kanë bërë të dyshuarve, të burgosurit në Shutkë.
Velibor Manev, me origjinë nga Velesi, është përgjigjur në një mënyrë të çuditshme. “Më duheshin para për dasmën”, ka thënë Manev. Dhe kjo përgjigje i revoltoi edhe më shumë të gjithë – si të paraburgosurit, të burgosurit dhe punonjësit. Manev, pasi u zbulua se ishte një nga fajtorët për vdekjen e Vanjës, tha se ai është baba i dy vajzave. Njëra është e martuar dhe madje ai ka një nip, ndërsa vajza tjetër ishte beqare.
Velibor Manev dhe i dyshuari kryesor Ljupço Palevski Palço kanë qenë miq të ngushtë dhe kanë shpërndarë foto të përbashkëta në rrjetet sociale. Burime të mediave të vendit fqinj thonë gjithashtu se pyetje të ngjashme i janë drejtuar edhe babait të Vanjës, Aleksandar Gorçevskit. ‘Si munde t’ja bësh këtë tmerr fëmijës tënd?!”, e kanë pyetur Aleksandrin, por mësohet se ai në Shutkë vetëm ka heshtur.
Mirëpo, para disa ditësh, babai i Vanja Gorçevskës, Aleksandar dhe tre të dyshuarit u sollën para gjykatësit nën masa të rrepta të sigurisë. Më vonë është arrestuar edhe shoferi, i cili ka transportuar Ljupča Palevskin Palča, i cili besohet se ka vrarë Vanja Gorçevskën.
A ka vrarë Palco më parë dhe dritë-hijet për rastin ‘Monstra’
Në mediume ka edhe teori se Palço, i cili dyshohet se ka vrarë Pançe Zhezovskin, një pensionist në makinën e të cilit rrëmbyesit e kanë marrë forcërisht vajzën e mitur, mund të ketë vrarë dhe më parë. Përkatësisht, janë përmendur pesë vrasje në vitin 2012, për të cilat janë dënuar shqiptarë etnikë. Për këtë ngjarje të rëndë, për ‘Blic’ ka folur gazetari Bojan Stojkovski.
“Ka pasur disa spekulime për këtë çështje dhe shumica e tyre kanë ardhur nga disa parti më të vogla politike, nga blloku politik shqiptar. Ata i kërkuan ministrit të Punëve të Brendshme, Oliver Spasovski që të merret me pretendime të tilla, por nuk kishte asgjë thelbësore për të mbështetur këto pretendime për të rihapur rastin e quajtur “Monstra”, i cili gjithashtu pati shumë polemika”, tha Stojkovski.
Sipas një mediaje vendase, Palevski dhe kompania e tij ndërtimore UNA ENTERPRISE po ndërtonin ndërtesën ku banonte Vanja. Sipas hulumtimit të TV21, Palevski ka pasur edhe një hapësirë prej 20 metrash katrorë të tijin, në të njëjtin pallat, ku jetonte edhe Vanja. Shqiptarët shpesh kanë thënë se rasti “Monstra” është i dyshimtë dhe se për të mund të jenë dënuar shqiptarët gabimisht. Për këtë çështje, pritet nga MPB të rihapen hetime, që ndoshta mund të çonin në zbardhje të një ngjarje të rëndë, që tronditi Shkupin disa vite më parë.
