Kryeministri Edi Rama ka nisur të bëjë krahasime skandaloze. Ai ka deklaruar se vendi ynë ka pasur numrin më të ulët të vrasjeve në tre dekadat e fundit. Teksa ndau një nga çështjet e diskutuara në mbledhjen me ministrat e cila vijon që dje, kreu i Qeverisë thotë se viti që lamë kishte numrin më të ulët të vrasjeve, duke shtuar se kur kjo qeveri e nisi përpjekjen ndaj këtij fenomeni, mesatarja e vrasjeve ishte 100 në vit.
‘#FAKT kuptimplotë që na jep një shembull flagrant të hendekut mes jehonës shurdhuese mediatike dhe realitetit të rënies së vijueshme të krimit. 2022 numri më i ulët i vrasjeve në tre dekadat e fundit
#KUJTESË: Kur ne e nisëm përpjekjen kundër krimit vrasjet ishin 112 në harkun e një viti dhe si rregull mesatarja ishte 100 në vit’- shkruan Rama në ‘Facebook’.
Mbledhja e Ramës ka nisur që dje në mesditë kur kanë filluar raportimet në çdo ministri, të ndara në 4 grupe. Grupi i parë është i ekonomisë ku janë Ministria e Infrastrukturës, Ministria e Turizmit, Ministria e Bujqësisë dhe Ministria e Sipërmarrjes. E më pas dhe të tjerat me radhë.
Grupi i fundit që raportoi dje ishte Ministria e Arsimit dhe Shëndetësisë. Sot do të jetë grupi i mbrojtjes dhe diplomacisë, pra Ministria e Jashtme dhe e Mbrojtjes, për t’ua lënë radhën drejtuesëve të qarqeve.
