Sekretarja e Brendshëm britanike Suella Braverman e konsideroi mbytjen e gomones me 30 emigrantë mëngjesin e sotëm si një “incident shqetësues”.
Me anë të një postimi në rrjetet sociale, Braverman i është përgjigjur incidentit të mëngjesit të sotëm në Kanal, duke shtuar se po mbahet “vazhdimisht e përditësuar” për situatën.
“Jam në dijeni të një incidenti shqetësues në Kanal këtë mëngjes dhe jam duke u përditësuar vazhdimisht, ndërkohë që agjencitë përgjigjen dhe përcaktojnë urgjentisht faktet e plota. Mendimet e mia të përzemërta janë me të gjithë ata që janë përfshirë,” tha Suella Braverman.
Ngjarja e rëndë ka ndodhur një ditë pasi kryeministri Rishi Sunak njoftoi një plan me 5 pika për të ndaluar kalimet e paligjshme. Por “zgjidhja” që ai kishte gjetur për të ndaluar emigrantët u cilësua si “e tmerrshme dhe groteske” nga organizatat bamirëse dhe “Amnisty International” me faktin se nuk kishte rrugë të sigurta për të kërkuar azil, ndaj edhe ndodhnin kalimet me barka.
Po ashtu, ky është rasti i dytë që ndodh diçka e tillë, pasi ka pak më shumë se një vit që kur 32 njerëz vdiqën kur varka e tyre u mbyt në Kanal.
