Policia ka vënë në pranga një 54 vjeçar në Sarandë, pas ngjarjes së rëndë dje në vendin e quajtur “vapori i mbytur” ku u gjet e pajetë shtetasja angleze.
Në njoftimin zyrtar thuhet se shtetasi me inicialet R.Ç e kishte punësuar 26 vjeçare në mënyrë të paligjshme në grupin e tij të punës dhe nuk i kishte siguruar kushtet e nevojshme teknike për zhytje.
“Nga specialistët për Hetimin e Krimeve në Komisariatin e Policisë Sarandë u arrestua në flagrancë shtetasi S. K., 45 vjeç, banues në Sarandë, për veprat penale “Shkelja e rregullave të mbrojtjes në punë” dhe “Punësimi i paligjshëm”, pasi ditën e djeshme, në vendin e quajtur “Vapori i mbytur”, gjatë ekspeditës së zhytjes, me përgjegjës këtë shtetas, është mbytur shtetasja angleze R. G., 29 vjeçe. Nga verifikimet ka rezultuar se shtetasi S. K. e kishte punësuar në mënyrë të paligjshme instruktoren e zhytjes, në grupin e tij të punës, si dhe nuk ka siguruar kushtet e nevojshme teknike për zhytje.
Materialet i kaluan Prokurorisë, për veprime të mëtejshme.
