Pika kufitare Kapshticë ka mbyllur punën për ditën e sotme që në orët e para të mëngjesit pasi është plotësuar kuota ditore e kalimit të 300 emigrantëve.
Pavarësisht kësaj, në pikën kufitare është krijuar radhë e gjatë emigrantësh shqiptarë dhe mjetesh në pritje të kalojnë drejt shtetit helen.
Në radhë për të kaluar kufirin janë 3 autobusë dhe mbi 20 makina të vogla, dhe rreth 100 qytetarë në total.
Drejtoria Vendore e Kufirit dhe Migracionit Korçë ka bërë një njoftim të rëndësishëm, ku u drejtohet qytetarëve që të mos grumbullohen pasi nga ana e policisë greke është pezulluar puna, e nuk do të lejohet kalimi i personave të tjerë për ditën e sotme.
Qytetarët shqiptarë në rradhë nuk mund të kalojnë kufirin deri nesër në orën 06:00.
