Janë mbyllur Lojërat Olimpike të Rio 2016 me një ceremoni madhështore që u organizua në stadiumin “Marakana”
10 500 atletë garuan mes tyre në këtë ngjarje të madhe sportive. Ndërkohë listën e medaljeve në këto lojëra e kryesoi bindshëm SHBA duke marrë 121 medalje në total, ndjekur nga Britania dhe Kina.
Shqipëria mbylli me rezultate të dobëta Olimpiadën, ndërsa historinë e bëri Kosova që arriti të merrte një medalje ari me xhudisten Majlinda Kelmendi.
Komiteti Olimpik Ndërkombëtar vlerësoi organizimin e lojërave, ndërsa ia kaloi stafetën Tokios për lojërat e 2020-ës.
