Ka nisur në orën 11:00 mbledhja e Këshillit Kombëtar të Partisë Demokratike për zgjedhjen e Kryesisë së PD-së. Të parët që kanë mbërritur në selinë blu janë Oerd Bylykbashi dhe Rudina Hajdari.
Sipas agjendës fjalën do e marrë Kryetari i Partisë Demokratike Sali Berisha dhe Kryetari i Këshillit Kombëtar Edi Paloka, ndërsa më pas do të nisë votimi.
Pas shfaqjes në ekran, çdo votë do të kalojë në kohë reale në tabelën përmbledhëse nga ku do të mësohen emrat fitues të anëtarëve të rinj të Kryesisë së Partisë Demokratike. Risi e këtij procesi zgjedhor është numërimi elektronik i çdo flete votimi, ndërsa mbledhja do të jetë e hapur për mediat.
