Është mbledhur sot asambleja e pedagogëve të universiteteve, ku po diskutohet për qëndrimin që duhet të mbajnë pas bojkotimit të mësimit. Pedagogu Ervin Goci, teksa kundërshtoi hapur Ligjin e Arsimit të Lartë, u shpreh se janë shpenzuar 400 milionë lekë për roje dhe 0 lekë për kërkim shkencor.
“Pak a shumë diskutimet janë në dy kahe. Kam qenë një nga kundërshtarët e hershëm. Operojmë në një kontekst ku ofendohen pedagogët. Financimi i Universiteteve është qarkullim parash bosh që nuk vijnë fare në Universitet. Rezultojnë 400 milionë lekë për roje asnjë lek për kërkim shkencor. Luajnë pingpong me veten nga Ministria shkojnë te bordi. Paratë e Universiteteve janë bërë rrush e kumbulla. A ka njeri përgjegjës për këtë histori. Paratë tona janë shpërdoruar dhe jemi në situatën, ku ne s’dimë ça bëhet me paratë tona. Askush nuk mban përgjegjësi dhe thonë se ligji është i shkëlqyer”, u shpreh Ervin Goci.
