Në selinë blu vijon mbledhja e grupit parlamentar të PD, në lidhje me zgjedhjen e presidentit të ri të vendit ku deputetët po prezantojnë kandidaturat e tyre.
Mësohet se deputeti Ferdinand Xhaferraj ka propozuar në mbledhjen e sotme emrin e Leonard Demit si kandidat për President. Demi ka qenë deputet i Partisë Demokratike nga viti 2005 deri në 2009, ndërsa ishte gjithashtu ambasador i Shqipërisë në NATO gjatë kohës së qeverisjes së Ramës.
Ndërkohë deputeti i qarkut të Kukësit, Flamur Hoxha ka propozuar emrin e Arben Çejkut, ish ambasador i Shqipërisë në Maqedoni.
Deputeti Bledjon Nallbati ka propozuar emrin e Dritan Demirajt si kandidat për President. Kreshnik Çollaku ka propozuar emrat e Dashamir Shehit dhe Jorida Tabakut, ndërsa Sajmir Koreshi emrin e Visar Zhitit.
Emri i Dashamir Shehit është propozuar edhe nga Xhelal Mziu, i cili e ka pasuruar listën edhe me Rexhep Ukën dhe Halim Kosovën. Ndërsa Dhurata Çupi ka propozuar emrin e Princ Lekës.
