Ndonëse vetëm me 21 deputetë të pranishëm, mbledhja e grupit parlamentar të PD po vijon me diskutime për zgjedhjen e Presidentit të ri. Në mbledhjen ka thënë fjalën e tij Gazment Bardhi, i cili ka shprehur qëndrimin pro draftit që u propozua nga Enkelejd Alibeaj me kriteret për Presidentin.
Po ashtu Bardhi ka reaguar për akuzat e Rithemelimit se po përdoren nga kryeministri Rama për Presidentin, duke ironizuar grupin e “Rithemelimit” duke thënë se kur “kërkojmë ne ta propozojmë presidentin jemi të shitur, ndërsa kur kërkon ata, atëherë janë opozitë e vërtetë”.
“Kur ne kërkojmë që opozita të propozoje presidentin jemi ne te shitur. Kur ‘Rithemelimi’ kërkon që opozita të propozojë Presidentin janë opozitë. Sigurisht që deputetët do marrin pjesë në proces, jo disa q s’janë bërë deputetë dhe nga xhelozia thonë që Presidentin e propozon Këshilli Kombëtar. Nëse ka kërkesa që të jetë nga politika atëherë PS do thotë nëse duhet nga politika përse duhet filani nga PD dhe jo nga PS. Kriteret janë parimore dhe ndërtojnë një figure presidenti dinjitoz. Por nëse pranohet kriteri për të qenë në politikë e pranojmë. Kriteret mund të diskutohen por një gjë është që ne kërkojmë ta propozojë opozita dhe këtu duhet të qëndrojmë. Ne kemi menduar te jemi korrekt për t’i dhënë vendit president dinjitoz”, mësohet se ka thënë Bardhi.
