Mbledhja e grupit parlamentar të Partisë Demokratike është shoqëruar me debate pasi ish-kryeministri Sali Berisha injoroi vendimin e Enkelejd Alibeaj dhe shkoi në mbledhje. Aliabeaj i ka tha Berishës se nuk duhet të kishte ardhur pasi ishte i përjashtuar, ndërsa ish-kryeministri i është përgjigjur me vendimin e Gjykatës për statutin e 11 dhjetorit.
Ajo që bie në sy në këtë mbledhje është mungesa e 10 deputetëve, përfshirë edhe emra të njohur si Grida Duma apo Alfred Rushaj, apo Agron Gjekmarkaj të cilët deri pak kohë më parë kanë mbajtur një qëndrim jo përjashtues ndaj Berishës, edhe pse kanë deklaruar se rikandidimi i tij si kryetar nuk duhet të ndodhë.
Nga ana tjetër, në mbledhje nuk është as ish-kreut demokrat Lulzim Basha, i cili duket se ka evituar një përplasje të mundshme mes tij dhe Berishës, ndonëse ky i fundit ka deklaruar se nëse e shikon do t’i japë dorën.
