Emiratet e Bashkuara Arabe po krijojnë vetë shiun, ndërsa temperaturat në vend kanë arritur më shumë se 44 gradë Celsius.
Shiu është krijuar duke përdorur teknologjinë e dronave që prodhon ngarkesa elektrike brenda reve në mënyrë që ato të grumbullohen së bashku dhe të krijojnë ujë, informon albeu.com.
Kjo është pjesë e një përpjekjeje të vazhdueshme për të frenuar mungesën e reshjeve në vend. Mesatarisht reshjet në Emiratet e Bashkuara Arabe arrijnë vetëm 100 mm në vit.
Të dielën, Qendra Kombëtare e Meteorologjisë në Emiratet e Bashkuara Arabe lëshoi pamje video të reshjeve të mëdha, të cilat treguan se teknologjia kishte dhënë rezultat pozitiv.
Qendra tha se reshjet u rritën nga një teknikë e njohur si mbjellja e reve./albeu.com
