Dalin të tjera detaje nga zhdukja e 19-vjeçares shqiptare, Artemisa Vasilis në Greqi. Sipas mediave greke, në letrën tronditëse në adresë të familjes së saj jepet indicie që ajo mund të jetë gjallë.
“Kemi informacione se Artemis është gjallë. Mbahet pa dëshirë nga dy burra. Ata e lëvizin nga një vend në tjetrin,” shkruhet në letër.
E reja Artemis u zhduk më datë 15 tetor 2020 në Koropi, teksa familjes i kishte thënë se po shkonte për të dhënë një intervistë pune, por nuk u kthye më.
Mediat greke citojnë disa dëshmitarë që janë shprehur se e kanë parë vajzën shqiptare në një gjendje të keqe psikologjike. Për herë të fundit vajza është parë duke qarë e vetme në një rrugë kryesore të Athinës.
