Maxhoranca ka bojkotuar mbledhjen e Komisionit Hetimor për Inceneratorët. Shkak për këtë është bërë dëshmitari i radhës. Në seancë është thirrur gazetari Jertmir Olldashi.
Anëtari i PS, Arben Pëllumbi tha se Olldashi është i dënuar dhe nuk mund të dëshmojë, ndërsa theksoi se ai nuk është thirrur as nga SPAK as nga prokuroria, madje as nuk është pjesë e hetimeve, ndaj nuk ka pse të marrë kohën kot dhe të flasë. “Ka një vendim të formës së prerë dhe është dënuar për këtë çështje”, tha ai.
Po kjo u kundërshtua nga kryetarja Jorida Tabaku, e cila sqaroi se nuk ka një vendim të formës së prerë nga Apeli. “Ka një keqkuptim, nuk është dënuar për këtë çështje. Ka një vendim që Mirel Mërtiri e ka hedhur për shpifje. Ndërkohë që ata ishin në kërkim ndërkombëtar më kanë paditur mua”, tha Tabaku.
Gjithsesi anëtarët nga radha e mazhorancës nuk e dëgjuan shpjegimin e saj dhe u larguan menjëherë nga mbledhja.
