Që prej ditës së djeshme, maturantët po vijojnë protestat kundër provimit të Gjuhës Shqipe dhe Letërsisë, të cilët kanë hedhur vezë drejt godinës së Ministrisë së Arsimit dhe Sporteve.
Ata janë shprehur të pakënaqur për nivelin e provimeve, ndaj edhe mbledhur para këtij institucioni, në pritje të një reagimi nga kjo e fundit. Siç shihen edhe në video gjurmët e vezëve, ndërkohë që në sfond dëgjohen maturantët teksa brohorasin.
Gjithashtu maturantët kanë kërkuar rivlerësim të testit dhe uljen e kufirit për notën 9 dhe 10. Kujtojmë se maturantët kanë bllokuar edhe rrugën e Durrësit.
