Edhe në provimin e detyrueshëm të Gjuhë Letërsisë në maturën shtetërore, kanë dalë tezat para futjes së nxënësve në sallat ku do mbahej provimi.
Fotot e tezave kanë qarkulluar në rrjetet sociale edhe pse provimi ka filluar në orën 10:00. Edhe pse u paralajmërua se nuk do të kopjohet, diçka e tillë nuk është arritur. Fotot e ndryshme të publikuara në rrjetet sociale tregojnë se sa e lehtë është të kopjosh në një provim mature dhe sa lehtë mund ta fotografosh tezën.
Provimet e maturës zhvillohen gjithmonë në muajin qershor dhe shpesh përkojnë me zgjedhjet. Këto të fundit kanë ndikimin e tyre në proces. Ku shpeshherë iu premtohen tezat dhe përgjigjet nxënësve në këmbim të votës.
