Juan Mata i ka dhënë lamtumirën, klubit turk të Galatasaray pas përfundimit të kontratës që nënshkroi verën e kaluar. Asturiani ka qenë një nga lojtarët kyç e suksesit që ka arritur skuadra e tij në kampionatin turk, duke marrë pjesë me tre gola dhe një asistim në 16 ndeshjet që ka luajtur.
Mesfushori ka dashur të lërë një mesazh në Instagramin e tij personal duke falënderuar fansat e tij, klubin dhe shokët e skuadrës për këtë fushatë. “Jam shumë krenar që jam pjesë e kësaj familjeje përgjithmonë. Atmosfera që krijoni në çdo ndeshje edhe jashtë shtëpisë, na bën të ndihemi gjithmonë sikur po luajmë në shtëpi.
Pa dyshim, ju jeni tifozët më të mirë në botë. Faleminderit nga thellësia e zemrës sime, për dashurinë që më keni dhënë mua dhe familjes sime në rrugë, në stadium, në fushë stërvitore… Ju jeni thelbi i klubit, nuk do të ju harroj kurrë,”- komenton Juan Mata në publikimin e tij.
Futbollisti spanjoll ka kujtuar edhe nivelet e larta të klubit. “Ne jemi ekipi më i mirë në vend për shkak të përkushtimit tuaj, profesionalizmit dhe, më e rëndësishmja, dashurisë dhe besnikërisë ndaj stemës. Faleminderit presidentit, që më dha mundësinë të luaj për klubin tuaj të jashtëzakonshëm.”
Së fundmi, ish-kampioni i botës ka folur disa fjalë edhe për shokët e skuadrës, duke vënë në pah “shoqërinë” që ka përjetuar në dhomat e zhveshjes. Atmosfera që kemi krijuar mes nesh për të dalë kampion ka qenë vërtet e veçantë.
Kemi kapërcyer pengesat si skuadër dhe duhet të jemi krenarë për këtë. Do të më mungoni dhe ju uroj gjithë të mirat”,- përfundoi Juan Mata, i cili nuk harroi një finale “shigjetash” ndaj partnerit të tij, Icardi. “Faleminderit që më dhatë trofeun që më mungonte, por më keni borxh ende paratë nga bastet tona të penalltive”, ka komentuar spanjolli.
The post Mata largohet mes emocionesh nga Galatasaray, ka një mesazh për Icardin: Më ka akoma borxh… appeared first on 27.
