Policia e Tiranës ka arrestuar një ndërtues 69-vjeçar pasi mashtroi shokun e tij duke i marrë 50 mijë euro me premtimin se do ia kthente, por në fund e mashtroi.
Njoftimi i Policisë
Në vitin 2006 Hoxha i ka marrë 50 mijë euro shtetasit me inicialet Sh.M. Ai ka deklaruar para organeve gjyqësore se për shkak të njohjes që ka pasur me Hoxhën dhe besimit se ai ishte një biznesmen i rregullt i ka dhënë atij në formën e borxhit një shumë prej 50 mijë eurosh.
Për ta siguruar se do t’ia kthente këtë shumë, Hoxha i kishte lënë si garanci pesë apartamente në një pallat që, sipas tij, po e ndërtonte në Golem.
Për këtë fakt, ata kanë nënshkruar edhe një kontratë noteriale. Por kur, kallëzuesi ka shkuar ta verifikojë nga punonjësit e hipotekës është njoftuar se Xhelal Hoxha nuk kishte asnjë objekt.
Pas kësaj ai e ka denoncuar ndërsa procesi gjyqësor ka përfunduar me dënimin e Hoxhës, që sot është arrestuar.
