Ka shkuar në 16 numri i biznesmenëve të arrestuar për skemën e mashtrimit me TVSH. Mes të arrestuarve është edhe binznesmeni, Rrapo Baduni, i cili është njëherësh edhe vjehrri i efektives së Policisë, Ina Nuku e cila u gjymtua gjatë protestave të opozitës.
Gjatë dëshmisë së tij, biznesmeni Buduni tha se ka punuar gjithë jetës me ndershmëri, ndërsa theksoi se “peshqit e mëdhenj” janë aktualisht jashtë dyerve të gjykatave dhe prokurorisë.
“Nuk kam asnjë dijeni për akuzat që më janë ngritur. Jam një njeri që kam punuar gjithë jetën me ndershmëri. Kërkoj të bashkëpunoj me prokurorinë. Peshqit e mëdhenj janë jashtë dyerve të policisë e gjykatave. Ne jemi këtu, jemi viktima”-pohoi ai.
