Drejtori i Rendit në Policinë e Shtetit, Ylli Vasili ka prezantuar masat dhe programin për vitin e ri shkollor, ndërsa deklaron se pranë çdo shkolle do të ketë patrullim nga Policia, sidomos gjatë procesit të ndërrimit të turneve.
Ai po ashtu thekson se ka disa objektiva që duhet të realizohen nga bashkëpunimi i Policisë me institucionet arsimore, bordin e prindërve e drejtorët.
“Sot është dita e parë e vitit shkollor, dhe siç do vit nga drejtoria e policisë janë marrë masat përkatëse duke filluar me përpilimin e një programi pune, ku janë foksuaur disa objektiva. Në këto objektiva janë përcaktuar për të gjithë drejtoritë bashkëpunimi i Policisë me bordin drejtues të të gjitha institucioneve shkollore, drejtorët, oficerët e sigurisë, bordin e prindërve dhe nxënësit që frekuentojnë. Gjithashtu në fokus të këtij programi që merret policia kemi dhe masat anticovid që po monitorohen nga policët. Bashkëpunim kjo bashkë me institiucuionet drejtuese. Njëkohësisht kemi marrë parasysh gjatë fillimit të vitit të procesit mësimor, angazhimin e patrullave dhe ndihmës/specialistëve që shkojnë dhe sensibilizojnë në shkolla për drogën, zbatim të rregullave të qarkullimit, prindërit, bordin e prindërve dhe nxënësit. Ne deri tani birësojmë jashtëzakonisht bashkëpunimin mes këtyre institucioneve, Policisë, Ministrisë së Arsimit dhe vërejmë me kënaqësi që procesi i bashkëpunimit do të vijojë sa më mirë. Me këtë rast dua të uroj nxënësit për fillimin e vitit shkollor, prindërit, stafin drejtues, ecuri e bashkëpunim sa më të mirë dhe njëkohësisht dhe duke ju tërhequr vëmendjen, gjithçka që mund të keni për problematikat pavarësisht nga çdo gjë numri 112 është gatishmëri, do të keni reagim shumë të shpejtë. Në secilin komisariat sipas programit dhe planit të masave janë përcaktuar institucionet shkollore që ka një komisariat i veçantë dhe në çdo shkollë, institucion arsimor do të kemi patrullim të Policisë, qëndrim afër për ndryshimin e turnit. Për numrin e saktë të policëve duhet një llogaritje”, tha Vasili.
Ndërkohë, drejtoresha e shkollës “1 Maji”, tha se mësimi do të zhvillohet në 4 nënturne. Rreziku sipas saj janë makinat, që mund të kthehen në burim aksidentesh.
”Edhe nga shkolla 1 maji janë bërë një protokoll masash. Shkolla 1 maji që është në njësinë nr 1 kujdesi është i madh. Kjo është një shkollë e madhe dhe ka 4 nënturne. Është bërë një skenar i kërkuar nga ministria e Arsimit dhe në to është e vështirë hyrja dhe dalja e fëmijëve. Prindërit rrinë në ambientet e jashtme të shkollës, por kjo është dhe rrezik për fëmijët pasi rruga është aty pranë dhe përbën problem për aksidentet. Por falë ndërhyrjes së Policisë së Shtetit, që është në gatishmëri, këto problematika janë të pakta.”– tha Entela Lika.
