Apeli i GJKKO ka shtyrë për ditën e nesërme vendimin ndaj ankimit të bërë nga avokatët e ish-Kryeministrit Sali Berisha dhe dhëndrit të tij, Jamarbër Malltezi, të cilët janë vënë nën hetim nga SPAK lidhur me procedurat për privatizimin e ish-kompleksit “Partizani”.
Avokati Genc Gjokutaj tha se Apeli ka vendosur që vendimin ta shpallë të martën në orën 11:00 për shkak të problematikave dhe volumit të dosjes.
Gjokutaj tha se Malltezi ka shpjeguar në Gjykatë të gjithë kundërshtitë e tij, ashtu sikundër i është përgjigjur çdo pyetjeje lidhur me procesin e përfitimit të pronës.
Gjokutaj tha se në Apel kemi parashtruar të gjitha pretendimet tona, duke theksuar se po synojmë që të vendosin procesin në shinat e ligjit, pasi deri më tani kemi një process anti-kushtetues dhe anti-ligjor.
Gjokutaj, i cili përfaqëson ish-Kryeministrin Sali Berisha, u shpreh se vendimet e dhëna nga shkalla e parë e GJKKO bien ndesh me Kushtetutën dhe është kjo arsyeja pse z.Berisha nuk i njeh këto vendime.
“Ne si avokatë i kemi shpjeguar z. Berisha se vendimi i GJKKO ishte anti-Kushtetues, ai vendosi të mos paraqitet, pasi nuk mund të zbatojë vendime që bien ndesh me Kushtetutën”, tha Gjokutaj.
Jamarbër Malltezi prej rreth 1 muaji ndodhet në paraburgim, pasi u arrestua me urdhër të SPAK, ndërsa GJKKO konfirmoi masën e sigurisë “arrest me burg” me akuzën e korrupsionit dhe pastrimit të parave.
Ndërkohë ndaj ish-Kryeministrit Sali Berisha janë caktuar masat e sigurisë “detyrim paraqitje” dhe ndalim të daljes nga vendi.
Apeli i GJKKO ka shtyrë për ditën e nesërme vendimin ndaj ankimit të bërë nga avokatët e ish-Kryeministrit Sali Berisha dhe dhëndrit të tij, Jamarbër Malltezi, të cilët janë vënë nën hetim nga SPAK lidhur me procedurat për privatizimin e ish-kompleksit “Partizani”.
Avokati Genc Gjokutaj tha se Apeli ka vendosur që vendimin ta shpallë të martën në orën 11:00 për shkak të problematikave dhe volumit të dosjes.
Gjokutaj tha se Malltezi ka shpjeguar në Gjykatë të gjithë kundërshtitë e tij, ashtu sikundër i është përgjigjur çdo pyetjeje lidhur me procesin e përfitimit të pronës.
Gjokutaj tha se në Apel kemi parashtruar të gjitha pretendimet tona, duke theksuar se po synojmë që të vendosin procesin në shinat e ligjit, pasi deri më tani kemi një process anti-kushtetues dhe anti-ligjor.
Gjokutaj, i cili përfaqëson ish-Kryeministrin Sali Berisha, u shpreh se vendimet e dhëna nga shkalla e parë e GJKKO bien ndesh me Kushtetutën dhe është kjo arsyeja pse z.Berisha nuk i njeh këto vendime.
“Ne si avokatë i kemi shpjeguar z. Berisha se vendimi i GJKKO ishte anti-Kushtetues, ai vendosi të mos paraqitet, pasi nuk mund të zbatojë vendime që bien ndesh me Kushtetutën”, tha Gjokutaj.
Jamarbër Malltezi prej rreth 1 muaji ndodhet në paraburgim, pasi u arrestua me urdhër të SPAK, ndërsa GJKKO konfirmoi masën e sigurisë “arrest me burg” me akuzën e korrupsionit dhe pastrimit të parave.
Ndërkohë ndaj ish-Kryeministrit Sali Berisha janë caktuar masat e sigurisë “detyrim paraqitje” dhe ndalim të daljes nga vendi.
