Gjykata e Londrës ka dënuar me burgim të përjetshëm shqiptarin që vrau mësuesen e shkollës fillore teksa viktima po shëtiste në një park. 36-vjeçari Koçi Selamaj është dënuar me burgim të përjetshëm me një dënim minimal prej 36 vitesh për vrasjen e mësueses Sabina Nessa.
Emigranti shqiptar ka sulmuar në mënyrë barbare mësuesen angleze, duke e qëlluar 34 herë në kokë me një send metalik. Prokurorja Alison Morgan ka deklaruar se Sabina Nessa është goditur me një objekt rreth 60.96 cm dhe se sulmi ishte i paramenduar.
Koçi Selamaj është me origjinë nga Elbasani. Ai punonte në Angli si shpërndarës picash, ndërsa u arrestua gjatë një bastisje që u bë në banesën e tij.
Policët ndoqën një makinë që ishte përdorur nga ai pas krimit dhe arritën të zbulonin banesën. “Daily Mail” ka publikuar edhe një video të momentit kur 36-vjeçari largohet duke mbajtur diçka fshehur në duar pak momente pasi mendohet se kreu krimin.
Trupi i pajetë i Sabina Nessa 28-vjeçe u gjet nga një kalimtar i mbuluar me gjethe pranë një parku, ku dyshohet se u vra nga shqiptari, sipas policisë angleze, ndërsa më herët gruaja e autorit ka reaguar e tronditur nga ngjarja e rëndë.
