Pas reperit Stresi, një tjetër reper ka zbuluar miqësinë e tij me viktimat e atentatit mafioz në mbikalimin e Fushë-Krujës. Feronit Shabani, emri artistik i të cilit është Fero ka zbuluar në rrjetet sociale se ka qenë shumë i lidhur me 22-vjeçarit, Brilant Martinaj dhe 30-vjeçarin, Diklen Vata, i cili gjithashtu ishte viktimë e masakrës së trefishtë në Fushë-Krujë.
Në një foto ku shihet pranë 22-vjeçarit, Brilant Martinaj, Fero shkruan: “Allahu në parajsë vëllai im.”
Ngjarja
Atentati që ndodhi ditën e djeshme në Fushë-Krujë, ku mbetën të vrarë 3 persona duket se ka lidhje me një sërë ngjarjesh të ndodhura më parë ku janë të përfshirë dy viktimat nga ngjarja e sotme. Pasi Dikeln Vata dhe Brilant Martinaj janë emra të njohur për policinë. Ata janë përfshirë në disa vrasje më parë, një sagë krimesh e vrasjesh që përfundon sërish me gjak ditën e sotme. përveç vrasjes së efektivit të FNSH-së Xhuliano Prela, një tjetër ngjarje ku është dyshuar Brilant Martinaj, i cili u vra sot, ka të bëjë me vrasjen e ish-oficerit të policisë Xhelal Reçi. Brilant Martinaj ishte një prej personave të dyshuar.
Nga vrasja e ish-policit Xhelal Reçi ka pasur disa vrasje që besohet se kanë qenë lidhje e Brilant Martinaj dhe kushëririt të tij të parë Ervis Martinaj, edhe ky i shpallur në kërkim ndërkombëtar pas dëshmisë së Nuredin Dumanit. Hetuesit dyshojnë se pikërisht Brilant Martinaj ka qenë shënjestra e atentatit për shkak të ngarkesës penale që ka pasur dhe implikimit në disa krime.
Nga ana tjetër dyshohet se 30-vjeçar Diklen Vata që ndodhej në makinë me Brilant Martinaj nuk u prek nga plumbat sa ka qenë në automjet, por është qëlluar pasi ka dalë. Deri më tani janë sekuestruar 60 gëzhoja, që dëshmon për një intensitet të madh të sulmit dhe ekzekutorët kanë qenë të vendosur për çuarjen deri në fund të detyrës së tyre. Emrat e Brilant Martinajt dhe Besmir Hoxhës të cilët janë djegur brenda makinës që shpërtheu në flakë pasi u qëllua me automatik, kanë dalë pas të dhënave dhe interesimit të vetë të afërmeve të tyre që e kanë ditur se janë në shoqërinë e Diklen Vatës.
