Një operacion blic është zhvilluar sot në Durrës, ku janë arrestuar 15 persona, të cilët dyshohet se janë përfshirë në vrasjen e Erion Çelës në “Don Bosko” dhe plagosjen e 4 personave, ngjarje e ndodhur këtë vit.
Burime bëjnë me dije se të arrestuarit funksiononin si grup kriminal dhe dyshohet se janë porositur dhe organizuar ekzekutimin e Erion Çelës.
Në ngjarjen e “Don Boskos” mbetën të plagosur Arben Dani 46 vjeç, Azbi Selimaj, 19 vjeç, Blerim Çela, 28 vjeç ( vëllai i viktimës) dhe Edmond Crroj 41-vjeç.
Si ndodhi ngjarja?
Erion Çela u ekzekutua më 4 janar të 2022, teksa ishte ulur në tavolinë me 4 persona të tjerë mes tyre dajën, të vëllanë, kamarierin.
Çela ishte pronari i një tabakinoje që ndodhej afër lokalit ku ndodhi vrasja dhe që shpesh e frekuentonte. Makina e autorëve më pas ka marrë kthesën dhe janë larguar në drejtim të spitalit ushtarak për të dalë jashtë Tiranës.
Nga hetimet e kryera deri më sot, dyshohet se objektiv i atentatit ka qenë daja, Edmond Crroj, i njohur dhe me emrin Adriatik i cili në Itali ka pasur procedim penal por nuk përjashtohen asnjë pistë tjetër.
