Në Gjykatën e Fierit do të jepen sot masa e sigurisë për Klodian Çalamanin. Ndërkohë familjarët e Mateo Vasiut kanë tentuar të futen me forcë në ambientet e gjykatës.
Ata kërkojnë të jenë të pranishëm në sallën e gjyqit, të përballen me vrasësin e vogëlushit. Kjo ka sjellë përplasje me forcat e policisë, të cilët nuk i lejojnë të futen.
Raportohet se autori Klodian Çalamani nuk ka mbërritur ende në Gjykatën e Fierit. Masa e sigurisë për Çalamanin do të jepet në orën 10:30.
Të afërmit e të miturit bëjnë thirrje që autori i vrasjes të varet, ndërkohë që kërkon mbështetjen e banorëve të Fierit.
Policia dhe punonjësit e Gjykatës kanë mundur që të nxjerrin jashtë familjarët dhe të afërmit.
